Ötən 18 gün ərzində İranda Novruz bayramı ilə əlaqədar yerli səfərlərdə baş verən yol qəzalarında 747 nəfər ölüb.

“İki sahil” xəbər verir ki, bunu İranın Yol Polisinin rəisi general Teymur Hüseyni yerli mediaya açıqlamasında deyib.

Onun sözlərinə görə, qeyd olunan müddətdə yol qəzalarında 13 563 nəfər xəsarət alıb.

Hüseyni bildirib ki, ən çox ölüm halları Kirman vilayətində 66 nəfər, Fars vilayətində 64 nəfər, Rəzəvi Xorasan vilayətində 53 nəfər, Xuzistan vilayətində 48 nəfər və Sistan və Bəluçestan vilayətində 46 nəfər qeydə alınıb.

14 gün ərzində ümumilikdə 88 489 yol qəzası qeydə alınıb.

Polis rəisi qeyd edib ki, təkcə ötən gündə yol qəzalarında 18 nəfər ölüb, 481 nəfər xəsarət alıb.

Qeyd edək ki, İranda Novruz bayramında və ölkədə qeyd olunan “Yeni İl” istirahət günlərində əhalinin istirahət və şənliklər təşkil etməsi əlaqədar ölkədaxili səfərləri artır.