Fransanın ifrat sağçı Milli Birlik partiyasının lideri Marin Le Pen Paris məhkəməsinin onu azadlığı və səsvermə hüququndan məhrum etmə qərarı ilə bağlı Avropa İnsan Haqları Məhkəməsinə (AİHM) və Fransa Konstitusiya Şurasına müraciət edəcəyini bildirib.

“İki sahil” "Kommersant"a istinadla xəbər verir ki, Paris məhkəməsi onu 4 il müddətinə azadlıqdan məhrum edib və növbəti 5 il müddətinə seçkilərdə iştirakını qadağan edib.

"Mən Avropa İnsan Haqları Məhkəməsinə və Fransanın Konstitusiya Şurasına müraciət edəcəyəm. Bütün mümkün hüquqi vasitələrdən istifadə edəcəyəm. Mən geri çəkilməyəcəyəm", - deyə, Le Pen "Le Parisien" qəzetinə müsahibəsində deyib.

Siyasətçi bundan əvvəl ona qarşı keçirilən məhkəmə prosesini “siyasi” adlandırmışdı.