2001-2004-cü illərdə Polşanın baş naziri olmuş Leszek Miller Ukrayna səfiri Vasil Bodnarın yerli televiziya kanalı "Polsat"da verdiyi açıqlamaları kəskin tənqid edərək, onun davranışını qəbuledilməz adlandırıb.

“İki sahil” xəbər verir ki,  TASS onun sözlərindən sitat gətirir: “Səfirin etdiyi şey həyasızlıqdır”.

Onun qəzəbinə səbəb kimi Bodnarın Polşanın Ukraynaya əsgər göndərməkdən imtina edəcəyi təqdirdə, onun bərpasında iştirak edə bilməyəcəyi barədə deməsi göstərilib.

"Əgər bu, hansısa adi siyasətçinin, heç bir əhəmiyyət kəsb etməyən birinin bəyanatı olsaydı, biz sadəcə əlimizi yelləyə bilərdik. Deyəsən, Polşanın Ukrayna səfirləri ilə bəxti gətirmir", - deyə Polşanın keçmiş baş naziri əlavə edib.

Siyasətçi vurğulayıb ki, Varşavanın artıq Kiyevə verdiyi irimiqyaslı yardımı nəzərə alsaq, bu cür bəyanatlar xüsusilə təhqiramizdir.