Rusiya Birbaşa İnvestisiya Fondunun rəhbəri, prezidentin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyevin ABŞ-a səfərinə icazə verilə bilər.

“İki sahil” RT-yə istinadla xəbər verir ki, bunu Rusiya prezidentinin mətbuat katibi Dmitri Peskov bildirib.

"Bəli, təsdiq edirəm ki, belə bir səfər mümkün ola bilər. Biz müxtəlif kanallar vasitəsilə amerikalılarla əlaqəmizi davam etdiririk"- deyə, Peskov qeyd edib.

Daha əvvəl CNN xəbər vermişdi ki, Dmitriyev bu həftə Vaşinqtonda ABŞ prezidenti Donald Trampın xüsusi nümayəndəsi Stiv Vitkoffla görüşə bilər.

Dmitriyevin özü də Moskva və Vaşinqtonun metallar və Rusiya layihələri ilə bağlı müzakirələrə başladığını bəyan edib.