Prezident İlham Əliyevin Azərbaycan Bayrağını Xankəndidə dalğalandırması Aprel döyüşlərindən start götürən Qələbəmizin məntiqi nəticəsi idi
Tarixi olmayan ermənilərin millət, xalq deyil, etnik qrup, qatı millətçilər olması həyatda təsdiqini tapıb. İdeologiyalarının əsasını terror, saxtakarlıq, məkr, dini, irqi ayrı- seçkilik, məsumluq cildinə girmək, saxtakarlıqlarını reallıq kimi qələmə vermək, cinayət, böhtan, ekstremizm, separatizm, fazizm, qəddarlıq, qana hərislik kimi mənfi keyfiyyətlərin təşkil etdiyi bu toplum insanlıqdan kənar bütün mənfi xüsusiyyətləri özününküləşdirib, «hay» adlı «imzaları» ilə möhürləyiblər. Əsrlərdən bəri «böyük Ermənistan» kimi saxta ideologiyaya əsaslanaraq Azərbaycan torpaqları hesabına özlərinə dövlət yaradan erməniləri dəstəkləməklə strateji bölgə olan Cənubi Qafqaz uğrunda mübarizədə bu satqın millətdən vasitə kim istifadə edənlərin əsas silahı olan ikili standartlar siyasəti hələ də gündəmdədir.
Artıq gorbagor olmuş Qarabağ münaqişəsinin 30 ilə yaxın davam etməsi də qərəzli güclərin təcavüzkara maliyyə, siyasi, hərbi yardımlarının nəticəsi idi. Lakin möhkəmlənən iqtisadi inkişafı sayəsində güclənən ordusu ilə düşmənə layiq olduğu cavabı verən Azərbaycan Ermənistan üzərində bütün sahələr üzrə üstünlüyünü dünya ictimaiyyətinə, o cümlədən təcavüzkarı dəstəkləyənlərə sübut etdi.
2016-ci ilin aprel ayının ilk günlərindən başlayaraq təmas xəttində gərginlik yaradan ermənilər qapılarında diləndikləri havadarlarının göstərişinə əsasən Madagiz (indiki Suqovuşan), Ağdərə və digər yaşayış məntəqələrindəki hərbi ehtiyatlarını hərəkətə gətirərək döyüş bölgəsinə yerləşdirmək məqsədilə təxribatlar törətdilər. Bu məkrli niyyətin qarşısını alan Silahlı Qüvvələrimiz 3 istiqamətdə planlı şəkildə döyüş tədbirləri həyata keçirərək düşmənə ağır zərbələr vurdular. Döyüşlər Azərbaycan Ordusunun qələbəsi ilə nəticələndi. Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və kəndi istiqamətində bəzi mövqelər düşməndən azad olundu. Bununla da keçilməz erməni istehkamları haqqında mif alt-üst edildi. Erməni silahlı qüvvələri bu döyüşlərdə böyük itkilərə məruz qalmaqla, 100-ə yaxın əsgərini itirdi, 500-ə yaxın düşmən yaralandı. Çoxlu sayda zirehli texnika, artilleriya qurğuları sıradan çıxarıldı.
Hadisələrə obyektiv qiymət verən Prezident, Ali Baş Komandan İlham Əliyev bildirdi ki, münaqişənin sülh yolu ilə həllində maraqlı olan Azərbaycanın düşmənin həmlələrinə layiqli cavab verməyə haqqı və gücü vardır: «Bizim heç bir günahımız yoxdur. Biz sadəcə olaraq bu təxribata cavab vermişik. Düz də etmişik. Bizə qarşı yenə təxribat törədilərsə onlar yenə də öz cəzalarını alacaqlar. Bu, bir. İkincisi, biz öz torpağımızda vuruşuruq. Biz Ermənistan torpağını işğal etməmişik. Biz öz torpağımızda vuruşuruq. Əgər erməni əsgəri ölmək istəmirsə, Azərbaycan torpağından rədd olsun.Təkcə Lələtəpə əməliyyatı subut etdi ki, Azərbaycan əsgəri Ermənistanın hər cür təxribatlarına nəinki cavab vermək qüdrətindədir, işğal altında qalan torpaqlarımızı belə qısa müddətdə azad etməyə qadirdir. Lələtəpə əməliyyatı bizim qəhrəmanlıq rəmzimizdir. Lələtəpə tarixə düşdü. Əgər erməni silahlı qüvvələri Aprel döyüşlərindən düzgün nəticə çıxarmasalar, gələcəkdə Lələtəpə əməliyyatı kimi bir çox uğurlu əməliyyatlar olacaqdır.» Əvvəlki çıxışlarında «Dağlıq Qarabağ tarixi, əzəli Azərbaycan torpağıdır. Əsrlər boyu xalqımız bu torpaqlarda yaşamış, yaratmışdır. Bu gün də Dağlıq Qarabağ Azərbaycanın ayrılmaz hissəsidir, dünya birliyi ölkəmizin ərazi bütövlüyünü tanıyır və dəstəkləyir» söyləyən Prezident, Ali Baş Komandan İlham Əliyev torpaqlarımızın işğaldan azad olunması üçün hərbi potensial və vətənpərvərlik duyğularına malik ordumuzun artan döyüş qabiliyyətini o zaman da yüksək dəyərləndirməklə, haqq işimizin qalib gələcəyi günə az qaldığına əminliyini də ifadə etdi: «Aprel döyüşləri bizim şanlı qələbəmizdir. Azərbaycan ordusu öz gücünü göstərdi. Ermənistan uzun illər öz ordusu haqqında yalanlar, miflər uydururdu. Guya onların yenilməz ordusu var. Aprel döyüşləri göstərdi ki, hansı ordu yenilməzdir… İşğal edilmiş torpaqlarda , Dağlıq Qarabağda elə bir hərbi hədəf yoxdur ki, bu gün biz onu məhv edə bilməyək. Biz öz torpaqlarımızdayıq. Bura Azərbaycandır. Lələtəpə də Azərbaycandır. Şuşa da Azərbaycandır, Xankəndi də Azərbaycandır. Ancaq biz öz torpaqlarımızda ikinci erməni dövlətinin yaranmasına heç vaxt imkan verməyəcəyik.» Silahlı Qüvvələrimizin Aprel qulaqburmasından özünə gələ bilməyən, dalana sıxılmaqla fərari ordusu barədə yalanlarını danışmaqda davam edən Ermənistan Azərbaycan əsgərinin döyüş rəşadətini Lələtəpədə hiss etdi.
Müzəffər Ali Baş Komandan İlham Əliyev dəfələrlə bildirirdi ki, bizə qarşı növbəti erməni silahlı təxribatı törədilərsə, yenə də lazımlı, tutarlı cavab veriləcək. Çünki bu gün Azərbaycan Ordusu dünya miqyasında güclülər sırasındadır. Ordumuzun maddi-texniki bazası möhkəmlənir, ən müasir silah, texnika alınır. Ən müasir silah və texnika ölkəmizdə istehsal olunur, eyni zamanda, xarici mənbələrdən alınan hərbi avadanlıqlar, texnika, silah-sursatlar müasir standartlara cavab verir. Hava hücumuna qarşı ən müasir, güclü artilleriya qurğularına, dəqiqliyə və çox böyük dağıdıcı qüvvəyə malik olan raket sistemlərinə malik ordumuzuun döyüş qabiliyyəti yüksəkdir. Döyüş və nəqliyyat helikopterləri, təyyarələri, zirehli texnika, tanklardan istifadə etməklə təmas xəttində gedən döyüşlərdə üstünlük qazanan Azərbaycan hərbçiləri, torpaq, Vətən uğrunda canından keçməyə hazır olduqlarını təsdiqləyən əsgərlərimizin mənəvi-psixoloji durumu qələbəyə inamı daha da artırırdı.
Ermənistanın niyyəti münaqişəni dondurulmuş vəziyyətdə saxlamaq olsa da Aprel döyüşləri işğalçı üçün dərs olmalı, Azərbaycan Ordusunun hərbi hazırlığından , şücaətindən nəticə çıxarmalı idi.
«Onu da qeyd etməliyəm ki, biz tarixi torpaqlarımızı da unutmamalıyıq və unutmuruq. Bu da gələcək fəaliyyətimiz üçün istiqamət olmalıdır, necə ki, biz bu gün də bu istiqamətdə iş görürük. Bizim tarixi torpaqlarımız İrəvan xanlığıdır, Zəngəzur, Göyçə mahallarıdır. Bunu gənc nəsil də, dünya da bilməlidir» söyləyən cənab İlham Əliyev bildirirdi ki, tarixi torpaqlarımıza qayıtmaq azərbaycanlıların siyasi və strateji hədəfidir və tədricən bu hədəfə yaxınlaşmalıyıq. Həmin hədəf 44 gün davam edən İkinci Qarabağ müharibəsində qazandığımız tarixi Qələbə, Azadlıq meydanında keçirilən Zəfər paradı oldu.
«Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Paradların birində mən demişdim ki, parada 2016-cı ildə Lələtəpə yüksəkliyində qaldırılmış bayraq gətiriləcək. Demişdim ki, gün gələcək və bu gün işğaldan azad edilən torpaqlarda qaldırılan Azərbaycan bayrağı Azadlıq meydanına gətiriləcək və bu gün gəldi. Bu tarixi günün şahidi bizik, Azərbaycan xalqıdır. Biz bundan sonra ancaq və ancaq irəli gedəcəyik» söyləyən, Xankəndi şəhərinin mərkəzi meydanında üçrəngli Bayrağımızı qaldıran Prezident İlham Əliyev Azərbaycan dövlətinin milli maraqlarını müdafiə edəcəyi, ərazi bütövlüyümüzü qoruyacağı ilə bağlı vədinə əməl etdi. Torpaqlarımız işğal altında qaldığı 30 ildə Zəfərimiz üçün güclü siyasi və hüquqi zəmin yaradıldı. Üzərinə düşən vəzifəni şərəflə yerinə yetirən Silahlı Qüvvələrimiz 23 saat davam edən lokal antiterror əməliyyatı ilə suverenliyimizi tam bərpa etdi.
«Mən dəfələrlə deyirdim ki, biz heç vaxt bu vəziyyətlə barışmayacağıq, heç vaxt imkan verməyəcəyik ki, bizim torpağımızda ikinci erməni dövləti yaradılsın» sözlərini gerçəkləşdirən Ali Baş Komandan İlham Əliyev Xankəndinin mərkəzi meydanında xalqa müraciəti ilə bütün dünya azərbaycanlılarına əbədi Qələbə sevincini yaşatdı. «Azərbaycan xalqı elə bir Qələbə qazanıb ki, həm dillər əzbəri olub, həm də bu Qələbə əbədi bizimlə olacaq. Bu Qələbə bizim tariximizdə əbədi olacaq. Bizdən sonra gələn nəsillər bu Qələbə ilə əbədi və haqlı olaraq fəxr edəcəklər» söyləməklə tarixi Zəfərimizə aparan Aprel döyüşlərinin əhəmiyyətini xüsusilə qeyd etdi.
Separatçıların Xankəndində hazırladıqları planların iflasa uğradığını böyük qürur hissi ilə vurğuladı: «Bu binada ən ali kürsüdə oturanların bəziləri indi Bakıdadır. Onlar Bakıya gəlmək istəyirdilər, onlar bizi hədələyirdilər, deyirdilər ki, onların tankları Bakı küçələrində olacaq, haqlı çıxdılar. Onların tankları Hərbi Qənimətlər Parkındadır. Onlar deyirdilər ki, Bakıya gəlib çay içəcəklər. Burada da haqlıdırlar. İndi çay içirlər, istintaq təcridxanasında. Özünü «prezident»” adlandırmış üç təlxək bax, burada oturub bizə meydan oxuyurdu, bizi hədələyirdi, bizi təhqir edirdi. Biz isə təmkinlə hər şeyə yanaşdığımız kimi, bu məsələyə də təmkinlə və səbirlə yanaşırdıq. Çünki bilirdik ki, biz buraya gələcəyik.» Özünü qondarma rejimin özünü «xarici işlər naziri» adlandıran ” separatçının «Azərbaycan Bayrağını Xankəndidə qaldırmaq istəyirsə, səfirlik açsın bizim ölkəmizdə» sözləri iflasa uğradı. Qətiyyətli dövlət başçısı kimi «İmkansız heç nə yoxdur, sadəcə zamandan düzgün istifadə bacarığı vardır» müdrik kəlamını gerçəkləşdirdi. Xankəndidə, Şuşada, işğaldan azad edilmiş bütün ərazilərdə qaldırılan Bayrağımız əbədi dalğalanmaq haqqı yazandı. Silahlı Qüvvələrimizin Apreldə başlanan döyüş yolu Xankəndi Zəfəri ilə uğurla tamamlandı. Prezident İlham Əliyevin «Biz haqlı olmağımızı həm beynəlxalq arenalarda göstərmişik, həm də döyüş meydanında və heç kimin Aprel döyüşləri yadından çıxmasın» sözlərini Ermənistan da daxil olmaqla işğalçı ölkənin revanşistlərini müharibəyə təhrik edənlər, silahlandıranlar da unutmasınlar.
Xuraman İsmayılqızı, «İki sahil»
