ABŞ Kosmik Qüvvələrinin tədqiqat və təkmilləşdirmə qrupları raket yanacağının ötürülməsi texnologiyasını sınaqdan keçirmək və Yer orbitində peyklərə yanacaq doldurmaq üçün bir sıra təcrübələrə başlamağa hazırlaşır.

“İki sahil” xəbər verir ki,  bu barədə mənbələrə istinadən Space News məlumat yayıb.

Eksperiment çərçivəsində Astroscale, Northrop Grumman və Orbit Fab şirkətlərinin avadanlıqları sınaqdan keçiriləcək. Sürətlə qoşula bilən maye ötürmə interfeysi ilə təchiz edilmiş iki kiçik peykin orbitə çıxarılması planlaşdırılır: Birincisi, “Orbit Fab” yanacaq anbarının modeli ilə, ikincisi isə Yaponiyanın “Astroscale” şirkətinin yanacaq servisi ilə docking imkanlarını sınaqdan keçirəcək. Proqramlar müvafiq olaraq 2026 və 2027-ci illər üçün nəzərdə tutulub.