27 mart 2025 12:58
220

Avropa Ukraynanın bu bölgələrinə qoşun yeridə bilər

Avropalı hərbi rəhbərlər Ukraynaya qoşun yeridilməsinin müxtəlif variantlarını nəzərdən keçirir. Onlar Dnepr boyunca və ya ölkənin qərb bölgəsinə yerləşdirilə bilərlər.

“İki sahil” xəbər verir ki, bu barədə xarici KİV-lər Fransa hökumətindən olan mənbəyə istinadən məlumat yayıb.

“Fransanın irəli sürdüyü mümkün variantlardan biri koalisiya üzvlərinin mərkəzi Ukraynada Dnepr çayı boyunca, cəbhə xəttindən uzaq ərazidə əhəmiyyətli hərbi qüvvələr yerləşdirməsidir”, - məlumatda qeyd olunur.

Qeyd edilir ki, qoşunların cəbhə xəttindən daha uzaqda – ya Qərbi Ukraynada, ya da qonşu ölkədə yerləşdirilməsi də nəzərdən keçirilir.