Vegeterianlıqla bağlı çoxlu yanlış fikirlər var. Bəzi insanlar bu həyat tərzinin sağlamlıq üçün faydalı olduğuna və bir çox problemlərdən qaçmağa kömək etdiyinə inanırlar. Digərləri isə əksinə, əmindirlər ki, insan təbiətcə “yırtıcıdır” və ət pəhrizin məcburi hissəsi olmalıdır. Bu məsələyə rusiyalı televiziya həkimi Aleksandr Myasnikov müəllif verlişində öz münasibətini bildirib.

Doktor Myasnikov deyib: "Vegetarianlıq təkcə ət və heyvan məhsullarından çəkinməklə sağlam olmaq deyil. Bu, həyat fəlsəfəsinə müəyyən bir əlavədir".

Adət etdiyimiz vegetarianlığa əlavə olaraq onun bir neçə başqa növü də var: xam qida pəhrizi – yalnız minimal istiliyə məruz qalmış çiy qidaların qəbulu; lakto-vegetarianizm - süd və bal istisna olmaqla, bütün heyvan mənşəli məhsullar qadağandır; meyvəçilik- çiy meyvə, tərəvəz, giləmeyvə, qoz-fındıq, paxlalılar, toxum və taxılların istehlakına icazə verən pəhriz növüdür; yarı vegetarianizm - bu pəhriz müəyyən bir cədvələ uyğun olaraq dövri olaraq ət, quş əti və ya balıq əlavə etməklə çox miqdarda bitki qidalarının istehlakını nəzərdə tutur.

Ətdən dərhal və tamamilə imtina etdikdə orqanizmdə nə baş verə bilər?

Vitamin B12 çatışmazlığı

Bu vitamin növü bədənə yalnız heyvan mənşəli qidalardan daxil olur və bir sıra vacib funksiyaları yerinə yetirir. Məsələn, qan hüceyrələrinin inkişafında, sinir liflərinin formalaşmasında iştirak edir və zülal sintezini tənzimləyir.

Dəmir malabsorbsiyası

Dəmir birbaşa formada yalnız ət, quş əti və balıqdan sorulur. Dəmir olmadan, bir müddət sonra orqanizmdə ağır anemiya başlaya bilər.

Sink çatışmazlığı

Eyni səbəblərə görə orqanizmdə sink olmaya bilər ki, bu da saç tökülməsinə, dırnaqların kövrəkləşməsinə, immunitetin zəifləməsinə və nəticədə soyuqdəymələrə səbəb olacaq.

Nubar Süleymanova, “İki sahil”