Kortizol bədənin stresə reaksiyasını tənzimləməyə kömək edən bir steroid hormondur. Bu, bizi sağlam və təhlükəsiz saxlamaqda mühüm rol oynayır. Lakin bədəndə kortizol səviyyəsinin çox yüksək olmasına imkan verməmək vacibdir.

Yüksək kortizol səviyyələri çəki artımı, yüksək qan təzyiqi, yuxarı və aşağı ətraflarda- qollarınızda və budlarınızda əzələ zəifliyi kimi simptomlara səbəb ola bilər. Şükürlər olsun ki, kortizol səviyyəsini aşağı salmağa kömək etmək üçün gündəlik pəhrizə daxil edə biləcəyimiz bəzi qidalar var.

Qara şokolad

Tünd şokolad iki əsas yolla kortizolu aşağı salmağa kömək edir. Birincisi, özündə hüceyrələri oksidləşdirici stresdən qorumağa kömək edən antioksidantlar ehtiva edir. İkincisi, tünd şokoladda maqnezium var.

Bununla belə, tünd şokoladın kortizol səviyyəsini artıra bilən kofein də ehtiva etdiyini bilmək vacibdir. Buna görə də qədərində istifadə edilməlidir.

Avokado

Sağlam yağlarla dolu olan və “super qida” kimi tanınan avokado da bu siyahıdadır. Avokadonun tərkibində maqnezium var. Bu, kortizol səviyyəsini nəzarət altında saxlamağa kömək edir.

Fermentasiya olunmuş qidalar

Çoxları bilir ki, qatıq və kefir kimi fermentləşdirilmiş qidalar sağlam bağırsağın qorunması üçün vacibdir. Bununla belə, bu məhsulların serotonin səviyyələrinə təsir etdiyini hər kəs bilmir. Bədənin stresə reaksiyasında mühüm rol oynayan neyrotransmitter serotoninin təxminən 90%-i mədə-bağırsaq sistemində istehsal olunur.

Kifayət qədər qıcqırdılmış qidalar yemək və sağlam bağırsağı qorumaqla, düzgün serotonin istehsalını təşviq etmək mümkündür.

Banan

Banan iki əsas yolla kortizol səviyyəsini minimuma endirir. Birincisi, bu meyvə maqneziumla zəngindir və buna görə də yuxarıda qeyd olunan bütün eyni faydaları təklif edir. İkincisi, bananda beyində serotoninə çevrilən əvəzolunmaz amin turşusu olan triptofan yüksəkdir.

Meyvə və tərəvəzlərin ümumilikdə sağlamlıq üçün bir sıra faydaları var və bu faydalara stresin idarə olunması da daxildir.

Yaşıl çay

Yaşıl çay tünd şokolad kimi bədəninizi oksidləşdirici stresdən qorumağa kömək edən antioksidantlarda zəngindir. Tərkibində həmçinin koqnitiv stress, depressiya və narahatlığın azalması ilə əlaqəli olan L-teanin amin turşusu var.

Ancaq yaşıl çayın tərkibində kofein də var.

Yumurta

Ümumi sağlamlıq üçün vacib olan etibarlı protein mənbəyi yumurta da “kortizolun düşmənidir”.

Bundan əlavə, yumurta orqanizmdə neyrotransmitterlərin istehsalını təşviq edən və buna görə də ümumi gümrahlıq hissini gücləndirən vacib amin turşularını təmin edir.

Nubar Süleymanova, “İki sahil”