Tarixin və kinonun sirlərindən tutmuş heyvanlar haqqında maraqlı məlumatlara və qida sirlərinə qədər bu kolleksiya üfüqlərinizi genişləndirəcək və sizə düşüncə “qidası” verəcək maraqlı faktları ehtiva edir:

Təhlükəli bal

Balın tərkibində botulizm bakteriyaları ola bilər. Yetkinlər onu normal şəkildə emal edə bilirlər, ancaq körpələr yox. Buna görə bir yaşa qədər uşaqlara bal verilməməlidir.

Universal siqnal

Bala məməlilərin çətinlik çağırışlarında ümumi elementlər var. Kanada çöllərində aparılan araşdırma ana maralların təkcə maral balalarının deyil, suitilərin, itlərin, pişiklərin və hətta insanların fəryadına qaçdığını göstərib.

At üstündə yoqa

Argentinada məktəblərin birində at üzərində yoqa tətbiq olunur.

Düzgün birləşmə

Əgər qəhvəyə süd əlavə etsəniz, o zaman tərkibində yağ olduğuna görə insan orqanizmi kofeini daha yavaş mənimsəyir, bu da onun təsirini zəiflədir.

Detallara diqqət

“Titanik” (1997) filmində rejissor Ceyms Kemeron gəminin içini mümkün qədər dəqiq şəkildə yenidən yaratmaq istəyirdi. Bunun üçün o, sualtı maşınlardan istifadə edərək rəssamları əsl batmış “Titanik”ə apardı. Divarlardakı naxışlar, birinci dərəcəli mebellər kimi bir çox detallar orijinaldan köçürülüb. Ancaq su altında zəif görmə qabiliyyətinə görə bəzi dekorativ elementləri o dövrün fotoşəkilləri və rəsmləri əsasında düşünmək lazım idi. Üstəlik, hovuzda çəkiliş üçün gəminin bir hissəsinin dəqiq surəti qurulmuşdu. Bu, kino tarixində ən bahalı rekvizitlərdən biridir.

Qadağan olunmuş bitki

18-ci əsrdə Fransada kartof 40 il qadağan edildi. Səlahiyyətlilər tərəvəzin cüzam və digər xəstəliklərə səbəb olduğuna inanırdılar. Çünki o bir sıra zəhərli bitkilərin daxil olduğu bitrki ailəsinə mənsubdur. Sonralar fransız aqronomu Antuan-Avqust Parmentye kartofa münasibəti dəyişərək onu zadəganlar üçün ləzzət kimi təqdim etdi və hətta kartof sahələrini əsgərlərlə birlikdə qoruyaraq onun dəyərini artırdı. Tezliklə kartof fransız mətbəxinin əsasına çevrildi.

Brilyant üzük

İsveçrə zərgəri tamamilə brilyantdan hazırlanmış 68 milyon dollarlıq üzük yaradıb.

Qızıl Zebra

Havayda qara zolaqlar yerinə qızılı zolaqlı zebralar yaşayır. Bu rəng amelanizm adlanan piqmentasiya anomaliyasından qaynaqlanır.

Aksomamma

İnklərdə kartof ilahəsi vari idi. Ana torpaq Paçomamanın qızı Aksomamma. Yaşayış məntəqələrinin sakinləri zəngin və səxavətli məhsul ümidi ilə tapdıqları qəribə formalı bir kartofa ibadət edirmişlər.

Nubar Süleymanova, “İki sahil”