BP cümə axşamı açıqlayıb ki, Trinidad və Tobaqoda “Cypre” ofşor yatağında ilk qazı tədarük edib. Bu, neft nəhənginin diqqəti yenidən neft və qaza çevirmək strategiyasını elan etdikdən sonra başladığı layihə növbəti layihədir.

“Cypre” BP-nin 2025 və 2027-ci illər arasında dünya miqyasında başlaması gözlənilən 10 əsas layihəsindən biridir və bu, hasilatı artırmaq üçün resetləmə strategiyasının bir hissəsidir.

“Cypre” yatağı iki ay ərzində başlanan ikinci böyük layihədir. Bu müddət ərzində Böyük Britaniya şirkəti səhmdarları neft və qaza qayıdıb öz investisiya iddiasının indi daha güclü olduğuna inandırmağa çalışırdı.

Fevral ayında resetləmə strategiyisanını elan etdikdən sonra BP Misir dənizindəki Raven yatağının ikinci işlənmə mərhələsindən hasilata başladığını elan etdi. Layihə Qərbi Nil Deltası layihəsinin bir hissəsi kimi əlavə Raven doldurma quyularının mövcud quru infrastrukturuna sualtı bağlanmasını nəzərdə tutur.

Fevralın sonunda yenidən qurulan strategiyada BP neft və qaza investisiyalarını ildə 10 milyard dollara qədər artırdığını, eyni zamanda, təmiz enerjiyə xərcləri ildə 5 milyard dollardan çox azaltdığını söyləyib.

BP 2027-ci ilin sonuna qədər 10 yeni böyük layihəni və 2030-cu ilin sonuna qədər daha 8-10 layihəni həyata keçirməyi hədəfləyir. Hasilatın 2030-cu ildə gündəlik 2,3-2,5 milyon barel neft ekvivalentinə qədər artacağı və ümumi gücün 2035-ə qədər yüksələcəyi gözlənilir.

10 yeni böyük layihədən ikisi bu il hasilata başlayıb.

Bundan əlavə, keçən həftə BP Trinidad və Tobaqoda “Ginger” ofşor təbii qaz layihəsinin işlənməsini də təsdiqlədi ki, bu da Böyük Britaniya nəhənginin 2027-ci ilə qədər başlamağa söz verdiyi on yeni layihədən biri olacaq. “Ginger” BP Trinidad və Tobaqonun dördüncü sualtı layihəsi olacaq və Mahoqani platformasına bağlanmış dörd sualtı quyunu əhatə edəcək. “Ginger”dən ilk qaz 2027-ci ildə gözlənilir.

Nubar Süleymanova, “iki sahil”