Rusiya prezidenti Vladimir Putin telefon fırıldaqçılığı ilə mübarizəni sərtləşdirən qanun imzalayıb. Sənəd dövlət qurumlarının, bankların və rabitə operatorlarının əməkdaşlarına xarici messencerlər vasitəsilə müştərilərlə əlaqə saxlamağı qadağan edir.

“İki sahil” xəbər verir ki, bu barədə "Kommersant" məlumat yayıb.

Məhdudiyyətlər həmçinin qeyri-kredit maliyyə institutlarına, iri aqreqatorlara və gündə 500 min istifadəçi auditoriyası olan saytlara da təsir edəcək.

Digər bir yenilik isə təşkilatlardan gələn zənglərin mütləq etiketlənməsidir. İndi telefon ekranında şirkətin adı görünəcək ki, bu da rəsmi zəngi saxta zəngdən ayırmağa kömək edəcək.

Bundan əlavə, mikromaliyyə təşkilatları (MMT) kreditlər üçün uzaqdan müraciət edərkən müştəriləri vahid biometrik sistem vasitəsilə müəyyən etməlidirlər. Eyni zamanda, rəqəmsal platformalar üçün biometrikanın istifadəsi öhdəlik deyil, hüquq olaraq qalır.

Kiberfırıldaqçılıqla mübarizə haqqında hökumət tərəfindən hazırlanmış qanun layihəsi martın 25-də Dövlət Duması tərəfindən həm ikinci, həm də üçüncü oxunuşda qəbul edilib.