Rusiya prezidenti Vladimir Putin Rusiya Təhlükəsizlik Şurasının daimi üzvlərinə terror təhlükəsi ilə mübarizə üçün əlavə tədbirləri müzakirə etməyi təklif edib.
“İki sahil” xəbər verir ki, bu barədə RT məlumat yayıb.
Görüşdən əvvəl o, həmçinin Rusiyanın müdafiə naziri Andrey Belousovdan Kiyevlə enerji obyektlərinə zərbələrdən qarşılıqlı imtina haqqında razılaşmanın necə həyata keçirildiyi barədə məlumat verməsini istəyib.
Bundan əvvəl Rusiya liderinin mətbuat katibi Dmitri Peskov Rusiya prezidenti Vladimir Putinlə Təhlükəsizlik Şurasının daimi üzvləri arasında görüş keçirəcəyini açıqlamışdı.
