Kiyev rejimi Rusiya Federasiyasındakı hədəflərə pilotsuz təyyarələrlə zərbələr endirməklə, münaqişənin həllinə və atəşkəsə doğru irəliləmək istəyinin olmadığını nümayiş etdirir.

“İki sahil” TASS-a istinadla xəbər verir ki, bunu Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik deyib.

“Cəmi bir gecədə Rusiya ərazisində mülki hədəfləri bombalamaq üçün göndərilən 100-dən çox Ukrayna PUA-sı (Volodimir) Zelenskinin “sülh arzusu” ilə bağlı iniltisindən min dəfə çox göstəricidir”, o, Telegram kanalında yazıb.

“Kiyev nizamlanmaya və atəşkəsə doğru irəliləmək üçün heç bir istəyinin olmadığını nümayiş etdirir”.

Miroşnikin sözlərinə görə, Kiyev rejimi Rusiya ilə ABŞ arasında dialoqun davam etdirilməsinə belə əsəbi reaksiya verir.

Məhərrəm Ağalaroğlu, “İki sahil”