Qanda aşağı dəmir səviyyəsi xüsusilə kişilərdə daha ciddi xəstəliklərə işarə edə biləcək kifayət qədər ümumi bir problemdir. Bu əlaməti görməzlikdən gəlməmək vacibdir. Çünki dəmir çatışmazlığı anemiyası xərçəng, polip və ya xoralarla əlaqəli ola bilər. Bu barədə rusiyalı mütəxəssis Aleksandr Myasnikov öz müəllif şousunda daha ətraflı danışıb.

“50 yaşdan yuxarı qadında anemiya aşkar edilərsə, gizli xəstəlikləri istisna etmək üçün qastrokolonoskopiya aparılmalıdır. Mioma və ya ağır qanaxma kimi aşkar səbəbləri olmayan anemiyanın da mədə-bağırsaq traktının əlavə müayinəsini tələb etdiyini başa düşmək lazımdır”, -həkim bildirib.

Əgər uşaqda çuğundur yemək xaric qırmızı sidik varsa, bu da dəmir çatışmazlığının əlaməti ola bilər. Bəzi valideynlər uşaqlarına çiy süd verir, bu da gizli qanaxmalara və nəticədə dəmir çatışmazlığı anemiyasına səbəb ola bilər.

Müalicə

Dəmir çatışmazlığını aradan qaldırmaq üçün vacib bir addım düzgün bəslənmədir. Dəmir ət, balıq, quş əti, eləcə də limon, alma, brokoli və qarabaşaq kimi qidalarda olur. Ancaq xatırlamaq lazımdır ki, bitki qidalarından alınan dəmir zəif sorulur. Bu məqsədlə heyvan mənşəli məhsulların istehlak edilməsi tövsiyə olunur.

Pəhriz kömək etmirsə, dəmir preparatları ilə müalicəyə müraciət edə bilərsiniz. Qanda hemoqlobinin səviyyəsini bərpa etmək üçün iki aylıq müntəzəm qəbul kifayətdir. Lakin bədəndəki dəmir ehtiyatlarını doldurmaq üçün altı aya qədər vaxt lazımdır. Düzgün dozanı seçmək və qoruyucu qabığı olan dərmanlardan çəkinmək vacibdir, çünki onlar da zəif sorulur. Dəmir turşu ilə daha yaxşı sorulduğuna görə onu portağal suyu ilə qəbul edin və yaşıl çay və qəhvədən çəkinin.

Standart müalicələr də kömək etmirsə, həkimlər xüsusilə ağır hallarda dəmir səviyyəsini tez bərpa edən venadaxili dərmanlar tövsiyə edə bilərlər.

Nubar Süleymanova, “İki sahil”